+64 (0) 21 243 4440 freeman@amuri.net

Tēnei Au…

Nō ngā taha e rua, taha Pākehā, taha Māori hoki

Nō te whenua Tenemāka te nuinga o ngā tīpuna o tōku Pāpa taha, anō nei, e rere hoki ana te toto o Ngāti Ingarangi, Ngāti Aerana me Ngāti Tiamana ano hoki kei rō tēnei taha Pākehā.

He uri nō Ngāti Raukawa, Ngāi Tahu me Ngāti Tama tōku Māma, heoi, e pari ana te toto o Ngāti Kōtirana, Ngāti Ingarangi me te iwi o Ngāti Nōwei anō hoki kei rō i ōu mātou ia-auraki.

Whānau mai ai au i Ō-Tautahi, noho ai i Aranui. I a au e pēpī ana, wehe atu ai mātou ki Kaikōura noho ai.

Nōku e nohinohi ana, ka haere mātou tōku whānau ki Taranaki, tipu ake ai.

Ko te tākaro rīki tōku ao i taua wā, tae atu ki te pakeke e rua teka mau rua o āku tau. I wehe atu au ki Tāmaki-makau-rau, Ingarangi kātahi ki Te Whenua Moemoeā kia tākaro rīki ai.

Kātahi ka huri ki te ao mekemeke, kātahi ki te ao whawhai i ngā taiapa.

Noho ake au i Te Whenua Moemoeā mo ngā tau tekau, kātahi ka hoki mai au ki Aotearoa, hanga ai ngā whare whakapakari tinana te take.

Maha ngā pākihi, whare korikori au i hanga tae atu i tēnei wā, heoi anō, kua panoni ōku aroaro ki te ao tiaki manuhiri pīrangi ki te whakatā, pīrangi ki te whakanui ngā pūkenga pākihi, aruaru kararehe ērā momo ināianei.

Ko Tessa tāku hoa pūmau, tokorua a māua tamāhine.

Noho ana mātou kei Te Ahi Kaikōura a Tama ki te Rangi me Tauhinu Korokio.

He tangata o te ngahere ahau, whai poaka ai.

He whare reo Māori ōu mātou – te reo tuatahi ki ā māua tamariki, reo tuarua ki a māua.

Ko te whāinga, hei whakatū kōhanga, marae anō hoki kei Kaikōura, hei whānagi mō āke tonu te whānau me Ngāi pīkoko ki te kōrero i te kai o ngā rangatira.

Nā reira, tēnei au – tēnā tēnā, kia ora koutou.